Nongpoh, Nailur 08: Ha kawei ka jingjia aksiden, kawei ka kali Hyundai Eon kaba don ïa number ML 05 J 8818 ba la ñiah da u Bah Michael Jone Nohriang, 30 snem ka rta na ka shnong Pyndensohsaw, Mawsynram ha ka sngi U Blei ka la kylla khongpong ha surok Shillong Bye Pass bad hap sha kper phresbin ha ka shnong Umeit, Ri-Bhoi.
Kane ka la jia ha ka por kumba 1:30 nohsngi ha kaba u nongñiah um shym la lah shuh synshar ïa u lakam jong ka kali kat haduh ba kan da kylla khongpong bad hap sharud surok.
Ha kane ka jingjia, u nongñiah jong ka kali u khlad noh na kane ka sla pyrthei namar ka jingmynsaw jur.
Ki Pulit jong ka Khapmara PIC ki la sei ïa met jong u nongñiah ba la sahkut hapoh ka kali bad pynkit noh ïa ka met sha Nongpoh Civil Hospital na ka bynta ban leh ïa ka post mortem.
