Shillong, Risaw 14: U Executive Member ka KHADC u Bah Powell Sohkhlet uba dei peit ïa ka Land u la pyntip ha ka sngi ba sdang jong ka Dorbar Tlang ba ka council kam shym pat la ioh ïa ka kaiphod bal eh ïa ka survey sha kiwei ki shnong ne jaka kiba khlem phah da ka KHADC.
Ïa kane u Bah Powell u la pynpaw ha ka kynta kylli jingkylli ïa kaba la rah da u MDC ka Jirang Constituency u Bah Sosthenes Sohtun.
U Bah Powell u la ong, Hooid ka Council kala bthah ban pynlong ïa ka sor jamin ïa ki jaka ha ka shnong Nagarabil, Pilangku-A bad ka shnong Pilangku-B bad la leh ïa kane lyngba ka shithi ba ioh pdiang na u Syiem Raid jong ka Raid Marwet.
Shwa ban leit sha kitei ki jaka la ai jingtip lyngba ki Lyngdoh Raid bad kane ka sor jamin ka long ban thew ïa ki jaka ki puta ban lait na ka jingshah skut ei ki jaka, pyntip u Bah Powell.
U Bah Sohtun u la bynrap ba hato kane kan iohnong ne kan pynduhnong ïa ki paidbah, na ka liang u Bah Powell u la ong shim ba kane kadei ka jingmyntoi ïa ki paidbah.
U MDC jong ka Jirang Constituency uba dei ruh u Myntri Sorkar u Bah Sohthenes Sohtun u la pynpaw ka jingbynniaw halor ka leit ban pynlong ïa ka sor jamin sha ki jaka kiba khlem phah da ka Khasi Hills Hills Autonomous District Council.
