Shillong, Naitung 27: Hadien ka jingïoh jingtip shaphang ka jingjia ba ngam jyllop jong uwei u nongshong shnong jong ka shnong Shnongpdeng hapoh ka wah Umngot, ka State Disaster Response Force (SDRF), Meghalaya ka la pynlong ïa ka jingwad bad ka jingleit ban pynlait im khnang ban ïoh sei ïa ka met jong u lanot uba la ngam jyllop hapoh ka wah Umngot ha ka por malu mala 4:10 baje janmiet.
Ka kynhun SDRF ka la sdang ïa kane ka jingwad da kaba pyndonkam da ki lieng ba la tip ki Rescue Inflatable Boat (RIB) bad u waïar, bad da ka jingïarap ki nongshong shnong naduh ka por 9:30 baje mynstep bad ki lap pat ïa ka metïap ban wanrah sharud wah ha ka por kumba 4:10 baje janmiet.
Hadien ba la pyndep ïa baroh ki jingdonkam katkum ka aiñ na ka liang ka SDRF ka la aiti noh ïa katei ka metïap sha ki pulit ban pyndep ïa baroh ki jingdonkam katkum ka aiñ. Hadien ba la pyndep ïa baroh ki kam kiba donkam, ïa ka metïap la aiti noh sha ki bahaïing hasem.
