‘Ka kam leh isynei, ka sdang shuwa na larympei’ ka dei shisha ka kyntien kaba shong sbai shong rupa bad kaba kit jingmutlada uwei-pa-uwei un pynson ne pyrkhat ïa kine ki kyntien.Tongin ïa phai khyndiat shaphang ka imlang ka sahlang la ka long ha ka raid kihima ne ha ka jylla hi baroh kawei. Ka jingkylli ka mih hangne balei kein katbadang mih ki sngi bad ki snem la ïohi ba dang mih bun shuh shuh ki jaid jingsnïew kiba ha rumkom ha ka imlang ka sahlang ne wat ha ki ing ki sem kabala buh jingma shisha ba ka bor jong ka jingsnïew ka la trei borbah ha kine kisngi.
Habangi phai sha ki Khubor ne ki Telivision bunsien ngim ju ïohsngew shuh ïa kita ki sur kiba ai mynsiem ne kaba kren shaphang ka shongsuk shongsain ne shaphangka bha ka miat ha ka imlang ka sahlang, hynrei la ïohsngew bad ïohi sa tang ki kam lehdonbor, ki kam thombor, kam dih droks bad ki kam snïew kiba harukom. Hynrei ka jingkylli ka mih hangne, Hato, man la uwei-u-wei ba ba la kot ïa ki borsngewthuh ne ki bor pyrkhat,ki ju puson mo ba balei ki mih kine ki kamsnïew kiba ha rukom ha ka imlang ka sahlang kaba la pyntad dor ïa ka hok longbrïew manbrïew bad haduh ka akor ka burom kaba la hiar dor arsut kaba laïohi ba I kumba ain Blei ne ka ain Briew kam don shuh.
Naka por sha ka por, ki mih ki kam tuh ki kam thiem, ki kam pynïap, ki kam lute,ki kam leh beijot ne lehdon bor ïa ki kynthei ki khynnah ha kaba kam don shuhkata ka jingshngain ha ka imlang ka sahlang khamtam ïa ki kynthei ki khynnah.Khyndiat pat lah ban ong hangne ba man la uwei-pauwei u la dei ban puson ïalade shimet halor ka jingkynrei kine ki kam snïew kiba la ktah shisha ïa kashongsuk shongsain ha ka imlang ka sahlang jong ka jylla. Ymlah ruh ban len bunsien haba ïohi ïa ki kam snïew la ka long ha ki Kot Khuborne ki kor Telivision la ïoh sngew tang kata ka jingkren ïa kynïi hapdeng ki para briew badka jingkhnium kaba mih na ka shyntur kaba ki da sngewpangnud ba kynrei ki kamsnïew. Ka jingkylli ka mih pat hangne. Hato, katno ngut kiba ju puson nepyrkhat na ei ka tynrai jong ka jingsnïew ka wan bad balei ba ka jur ki kamsnïew ha kine ki sngi?
Sngew Sangsot ba ki brïew ha kine ki sngi la ka long naduh ki khynnah, ki samla bad haduh ki tymmenki San tang namar ka spah pyrthei bad ba ki ïa beh ïa kata ka ‘Rongphong Pyrthei” bad kim don por shuh ban puson ne ban pyrkhathalor ki tynrai ba ka jingsnïew ka sdang ban mih. Hynrei ki la shuh ïa beh ïakata ka spah pyrthei bad ki klet noh ban puson ne ban bishar ïa ka tynrai ba kajingsnïew ka mih kaba la ktah shisha ïa ka shongsuk shongsain ha ka imlang kasahlang ha ka jylla bad ka ri.
Kum ban shu ong, ka Jylla Meghalaya ka dei ka jylla kaba bun tam ki Kristan bad nai ïa kren ïa kataka bynta, namar la ka long ka niam Kristan ne kino kino ki niam ba kynthupnaduh ki Hindu, ki Muslim, ki Sikh bad kiwei kiwei ki jaid niam ruh. Ka tynrai jong ka jingngeit bad ka jinghikai ka niam ka long hi shi bynta ban im hok imsot bad ban long kita ki ki jingthaw kiba don ïa ki iktiar ban wan rah ïa kashongsuk shongsain ha ki ing ki sem ne ha ka imlang ka sahlang, Phewse!!!!! Dakhongpong ha kine ki sngi ka jingsnïew ka la shong kulai ha man la uwei-pauweiu Briew kiba la klet noh ïa la ka jong ka tynrai kiba la pyrshang ban beh ïa ka Rongphong bad ki jingkwah brai kaba la pyntroin shisha ïa ka hok LongbrïewManbrïew.
Nai da ïa tai san ishaphang ki tynrai ba ka jingsnïew ka mih, hynrei to ngin ïa phai dien khyndiat ban puson kumba ong kine ka Kyntien, `Ka kam Leh isnei ne ka kam babha ka sdangna la Rympei” khnang ba ngin sngewthuh ba balei ba kynrei ki kam snïew kam smeh ha kine ki sngi. Kum ban ban ktien,ha kine ki sngi kano kano ka longing longsem kim don por shuh ban hikai ïa laki khun ki kti ha la rympei “ Sawdong kaLyngwiar Dpei` namar ba ki la ïa beh ïa ki rongphong jong kane ka pyrtheibad kim don por shuh ruh ban shim ïa la ka jingkitkhlïeh ïa ki khun ki kti hakaba ki la ai mon khlem da tehlakam ha la ing la sem. Bad ym donkam hiruh ban ïa puson halor ki daw ba ki jingsnïew ki la kynrei ha kine ki sngi, Ngi lah ban kren shai sha ka pyrthei, dei tang namar ba ki kmie ki kpa ne ki Longkni Longkpa ha kine ki sngi kim don por shuh ban sneng ne kyntu ïa la ki khun ki Pyrsa ha la ing la sem bad ki khun ki kti ki la im laitlan katba ki monha kaba ki la sdang ban leh na I kam snïew I barit bad kan sa pur pat haduh baki jingsnïew ki la kïew skong ha kine ki sngi.
Kumba ong kaKyntien, I jingjaw um barit, ka pyndap ïa ki phnïeng ka Duriaw” ka la urlongshisha, namar tang na ka daw ba ki Kmie ki kpa ne ki Longknie ki Longkpa kimdon por shuh ban tehlakam ïa ki khun ki kti ne ki Pyrsa ba ki la im laitlan kala pynlong ruh ïa ki ban kin dang shlur ban leh ïa bun bah ki kam snïew kiba laktah ha ka imlang ka sahlang. Namarkata, To nai ïa wad shuh ïa kiwei pat ki daw ne ki tynrai ba ka jingsnïew ka mih, hynrei to kum ki Longing Longsem ne ki Kmie ki kpa ngin ïa pyrshang ban hikai ïa la ki khun ki Kti ha la ka jong ka Rympei, namar dei tang ha la Rympei lah biang ban sain dur ïa ka hok long briew man briew ne ïa ka akor ka burom kaba ngi lah ban ïada na bun jaid ki kam snïew kam smeh ha ka imlang ka sahlang.
Kyntang iawai, kano kano ka ing kaba don ïa ka jingiatylli, ka jingïasngewthuh jingmut bad kajingïaieit ba mar kylliang ka don kata ka jingtïeng burom ban leh ïa ki kam sneiw, hynrei lada kano kano ka ing kaba ïa pait ïa pra ym lah ruh ban len ba ki mih bun ki jingïapait ïa pra ha kaba ki kam snïew ruh ki don hangta naba ymdon uta u ‘Shabuk’ kumba u Nonglur u pynkohnguh ïa ki Masi ha ba ki lur ïa ki lyngkha ban pyndep ïa ka kam.
