Mairang, Risaw 16: Ka tamasa kaba arsngi ha Markham kaba la pynïaid da ki bor District jong ka Eastern West Khasi hills ka la sdang ha kane ka sngi thohdieng ka 16 tarik Risaw 2026. Ka ophis jong ka Deputy Commissioner Eastern West Khasi Hills ryngkat ka jingïatreilang bad baroh ki tnad treikam jong ka sorkar ka la pynlong ïa katei ka tamasa kum shi bynta ban kyntiew ïa ka district lyngba ki kam shangkai suwari, ka roi ka par, bad kiwei kiwei. Katei ka tamasa ka la long kaba ïaid beit ïaid ryntih bha ha kaba ki paidbah na kylleng ki jaka ki la ïa tuid ban peitkai ïa ka jingitynnad jong ka mei mariang bad ki sawdong sawkun.
Ha katei ka tamasa ki nongseng kam la jong kum ki nongshna waiñ, shna tiar da ki maw, thaiñ jingthaiñ, shet jingbam tynrai, ïakob shad, ïakob rwai, phawar, pule poetry, ïathuh khana, mawpoiñ, bad kiwei kiwei. Na ka bynta ki nongrep pat ki don ki jingpyninam ïa ki jhur ki jhep, bad kiwei kiwei. Ha katei ka sngi sdang la ïadon ryngkat da u Bah Shakliar Warjri, MLA ka Mawthadraishan, ka kong Anita Kharpor IAS Deputy Commissioner bad kiwei kiwei ki heh sorkar.
Ïa katei ka tamasa yn pynkut ha kane ka sngi saitjaiñ ka 17 tarik Risaw ha ka por 2 baje nohphaisngi ha kaba u Conrad Kongal Sangma Myntri Rangbah ka jylla un leit ban Ïadonlang bad ban pynkut ïa katei ka tamasa.
