Sdang ka SSA SRGT 3rd Division FL 2026; Khur jingjop ka Lamlynti

SHILLONG, Jylliew 17: Ka Shillong Sports Association ka la ïoh ban sdang ïa ka lympung phutbol kyrdan Third Division na bynta u snem 2026, hynne ka sngi Balang (17 tarik Jylliew) ba la pynlong ha ar tylli ki madan ha Polo.
La plie pyrda ïa ka jingïalehkai ba nyngkong hapdeng ka Nongumlong SC pyrshah ïa ka Mawlynrei SC kiba la ïakhaid mar ar kol (2-2) ha SSA Stadium, katba ka Lamlynti FC ka la jop da 2-0 kol ïa ka Umiew Maw U Sam ha ka jingïakhun kaba la long ha MFA Ground.
Ha SSA Ground, ka Mawlynrei SC ka la wanphai na ka 2 kol ban ïakhaid hadien ba ka Nongumlong SC ka la lamkhmat lyngba u Banmanbha Mawiong (31’) bad u Nehlang Kharsahnoh (40’) da kaba pynphai lyngba u Elwinson Kharsahnoh (50’) bad u Kerryjohn Marboh (80+5’).
Nangta ha MFA Ground, ka Lamlynti FC ka la pynkhihjar lyngba u Matlut Makri (36’) bad u Ialambha Kshiar (54’) ban pynliem ïa ka Umiew Maw U Sam.
Ha kawei pat ka jingïalehkai jong ka Shillong Sports Association U-20 4th Division Football league 2026 hynne ka sngi ha ka Group F, la sakhi ïa ka Laitlyngkot SC kaba la pynliem noh ïa ka Pommura SC da 2-0 kol.
Kine ki ar kol jong ka Laitlyngkot la thep da u Nangtei Rynjah (17’min) bad uShaibannangkhraw Khongsti (66’min).
Ki prokram lehkai ka SSA SRGT 3rd Division Football league 2026 ha kane ka sngi Palei (18.06.2026)
Jaka: SSA Ground
Por 1:00PM Umphyrnai SC (vs) Lawmali Pyllun SC
Jaka: MFA Ground
Por 1:00PM Lummawbah SC (vs) Kharang SC
Jaka: SSA Ground
Por 4:00PM Mawkasiang SC (vs) ïaitylli SC