Sdang ka NYKS ïa ka jingpynkhuid shnong ‘Clean India Programme’ kaba shi bnai ha kylleng ka ri

Shillong, Risaw : Ka Nehru Yuva Kendra Sangathan (NYKS) ka la sdang ïa ka jingpynkhuid shnong Clean India program ha Shillong, Meghalaya kum shi bynta ka ‘Swachh Bharat campaign’ kaba shi bnai ha kylleng ka ri.
Katkum kane ka sienjam kaba long ha kylleng ka ri kaba la sdang ha ka 1 tarik u Risaw, ka NYKS Shillong ka la sdang ïa ka jingpynkhuid shnong Clean India Programmeha ki shnong bapher bapher lyngba ka Volunteers Youth Club jong ka bad ki kynhun bapher bapher jong ka jylla ha ka sngi ba la sdang ïa kane ka kam.
U Myntri Sorkar Pdeng ba dei khmih ia ka tnat Youth Affairs and Sports, uAnurag Thakur u la plie pyrda ïa kane ka kam kaba shi bnai ha ka 1 tarik u Risaw na Prayagrajha Uttar Pradesh. U Thakur u la ïashim bynta ha ka jingpynkhuid kaba la long ha ka Sangam beach haPrayagraj ha ryngkat kah Nehru Yuva Kendra, ki nongtreimon sngewbha ka National Service Scheme bad kiwei kiwei ki briew. La don ruh ka jingbamsmai Swachhtaha kane ka sngi.
U la ong ba dang pynlong ïa ka prokram Swachh Bharat 2022 ha 6 lak tylli ki shnong jong 744 tylli ki distrik ha kylleng ka ri lyngba ki kynhun samla kiba ïasoh bad ka NYKS bad ruh ki kynhun kiba ïasoh bad ka National Service Scheme. Kane kam dei tang ka prokram hynrei ka dei ruh ka jingpyrshang shisha ban pynsngewthuh ïa ki briew shaphang ka jingdonkam ïa ka jingkhuid jingsuba, u la ong haba u la pliepyrda ïa ka Clean India 2.0.
La lah ban lum haduh 25,00,000 kilo ki jaboh jabaiñ ha ki 10 sngi naduh ba la sdang ïa ka Swachh Bharat campaign, pynpaw u Myntri Ka tnat Youth Affairs lyngba ka twitter, kata da kaba buh thong ban lum bad pynduh1 klur kilo ki ñiut plastic lyngba ka Swachh Bharat 2022.
Ka NYKS ka dang pynlong ïa ka prokram Clean India 2.0 naduh ka 1 tarik haduh 31 tarik u Risaw ha kylleng ka ri. Ka la ïatrei lang bad kito kiba don kti ha kane ka kam kum – ki bor pynïaid distrik, DRDA, ki Municipal Corporation, NSS, Bharat Scouts & Guides bad ki kynhun samla, ki MahilaMandal, ki SHG, ki kynhun ha ki shnong kum ki Rotary Club, ki Lions Club, Red Cross, ki bor shnong bad kiwei kiwei kiba treikam ha ki distrik bad ki shnong.
Ha Shillong, ki kynhun Dongmusa Umphyrnai badUplifter Club ki la pyn long ïa ka prokram Clean India 2.0 ha Umphyrnai bad Demthring Holy Child Old Age home.