Shillong, Naiwieng 24: Ka Shillong Lajong FC ka la ïohlad ban khur ïa ka shi point ha ka jingïalehkai ba nyngkong jong ka lympung I-League 2024-25 hadien ba ïakhaid mar 2-2 kol bad ka Churchill Brothers ha ka jingïakhun kaba la long ha SSA Stadium, Polo, ha ka janmiet sngi U Blei.
Ha kane ka jingïalehkai, ka Lajong ka la hap ban wanphai nadien naba shah lamkhmat haduh 2 kol shuwa ba kan pynphai.
U Wade Lekay u la pynkhih ïa kitei ki ar kol na b ynta ka Churchill Brothers, ha kaba u la thep ïa kaba nyngkong ha ka minit ba 14 bad pynbud ïa kaba ar ha ka minit ba 21 jong ka kylla step.
Ha ka 35 minit u rangïalehkai na Brazil jong ka Lajong – u Douglas Tardin u la ai mynsiem ïa ka kynhun da kaba pynphai shi kol shuwa ba u Renan Paulino De Souza (50′ minit) – un pynthikna ïa ka Shillong Lajong FC ban ïoh khur point na kane ka jingïalehkai da kaba pynïakhaid.
Ka Lajong kan pynkhreh biang ban ïalehkai hala ïing pyrshah ïa ka Dempo, ka klob na Goa, ha ka 30 tarik Naiwieng. Kane ka jingïalehkai ruh kan long ha ka por 7 baje janmiet.
