Jowai, Jylliew 14: Ka lympung ïalehkai phutbol “2nd Veteran Knockout 40 Above Football Tournament bala pynïaid da u Marlangki Suting kala sdang ha kane ka sngi saitjaiñ 13 tarik u Jylliew ha madan Wahïajer Mini Stadium West Jaiñtia Hills District.
Ha kane ka sngi sdang la don haduh 3 tylli ki jingïakhun,ha ka jingïakhun ba nymgkong ka kynhun ïalehkai jong ka Daia Ryntihlanvg kala pynliem da 3-1 kol ïaka Snohktilang FC. Ka jingïakhun kaba ar ka Porto FC kala pynliem 3-1 kol ïaka Tyllilang SC. Katba ha ka jingïakhun kaba lai ka Kyllumlang FC kala lah ban pynliem da 4-1 kol ïaka Thadlaskien Veteran.
Hashwa ban sdang jong ka jingïakhuh la pynlong ïa ka jingïalang kaba lyngkot bala pynïaid da u Dauni Phawa, la ïoh ruh ka jingkren na u Marlangki Suting uba la batai ïa ka jingthmu ban pynlong ïa kane ka Tournament kaba long shi bynta ban kynmaw burom u kpa jong u uba la khlad u (L) Romiwell Ryngkhklem.
Ïa kane ka Tournament la wan ban plie ïa ka da u G. Kharumlong kum u kongsan. La pyntip ruh kila don haduh 24 tylli ki kynhun kiba la wna ban ïashim bynta na kylleng ka Ri Khasi bad Jaiñtia.
La pyntip ka jingïakhun kaba bud kan long haka 27/06/2026, ha ka por 11 baje mynstep ka Shynnam FC pyrshah ïaka 12 Daloi FC. Haka por 1 baje nohphai sngi ka Rympei Pip pyrshah ïa ka Mawshynrut Veteran FC. Katba ha ka por 3 baje nohphai sngi ka Smit Veteran pyrshah ïaka Friendly FC.
