Jowai, Nailur 22: Ka Mukhla Raij Sports Club hynnin ka sngi kala sdang ïa ‘1st Invitation Knockout Tournament 2023’ na ka bynta kiba la dap 40 snem shaneng ïa kane la pynlong ha Madan Len ha Ladmukhla West Jaiñtia Hills.
Ha kane ka lympung la wan ban plie pyrda da u Waheh Chnong ka Dorbar Chnong Khliehtyrshi u ma Kitbok Rymbai kum u Kongsan, katba u ma Edy Shylla kum u Symbud Kongsan ha ka jingdonlang kiwei de kiba la shah khot sngewbha.
Ha kane ka sngi sdang jong ka jingïakhun hapdeng ka Mukhla Raij Ever Young FC Pyrshah ïa ka Ar Daloi FC na East Jaiñtia Hills District, na ka liang ka Mukhla Raij Ever Young FC kala ïoh ban thep shikol da u Rimaya Suna ha ka kylla step bad haduh ba kut jong ka kylla miet kaba la neh da 1-0 kol.
Ka jingïakhun kaba ar hapdeng ka Iakyntu FC na Ladmukhla pyrshah ïa ka ophis ka Soil Department, na ka liang ka Iakyntu FC na Ladmukhla kala pynliem da 3-1 kol ïa ka Soil Department.
Ïa kane ka lympung yn bteng ïa ka jingïalehkai haka sngi Saitjain 23/09/2023 hapdeng ka Old Star FC pyrshah ïaka MLP FC haka por 2:30 pm ha madan Len ha Ladmukhla.
