Shillong, Nailar 26 : Ka GSU lem bad kiwei kiwei ki seng bhalang ha ri lum Garo ki la sdang biang naduh mynta ka sngi ïa ka jingïakhih jongki ha ka wat kaba ar da kaba pakhang ophis ïa ki ophis jong ka MeECL namar ba la thut palat ka jingsam bor ding ha ri lum Garo.
Ki Seng Bhalang ki la ong wat la ki la dep ai da ka jingthoh sha u myntri rangbah bad ki la pynlong la bun bun sien ïa ki jingïakhih hynrei ki bor ba dei peit kim patiaw satia. Kumta ki seng ki la rai ban ym sangeh shuh ban ïakhih bad pakhang ïa ki ophis MeECL tad haduh ban da ïoh ïaki jingdawa.
Ki Seng Bhalang ki la pakhang ïa ki ophis treikam ka MeECL ha man la ki district, ki sub division jongka ril um Garo bad kane kan ïai bteng beit nangne shakhmat ruh, ong u President ka GSU u Zikku Balgra Marak.
