Saw tylli ki kynhun ban ïakhun knieh rung sha ka Hero 2nd Division League 2022-23 ha Kokrajhar

“Kynthup lang ka Shillong Lajong FC”

0

New Delhi, K’Lyngkot 20 : Ki don haduh saw tylli ki kynhun kiban mih aireng ha ka lympung knieh rung jong ka Hero 2nd Division League 2022-23 kaban long ha Kokrajahar (Assam) naduh ka 12 – 16 tarik u Rymphang mynta u snem. Ki ar tylli ki kynhun kiba wan ha khlieh duh jong katei ka round robin kin ïoh pat ban rung sha ka jingïakhun ha ka group stage.
Kumta, kitei ki ar tylli ki kynhun kin don lang ha ka thup jong ki 17 tylli ki kynhun kiba la ïoh ban rung da kaba suk. Ïa kitei ki 19 tylli ki kynhun pat yn sa phiah ha ki saw group bad kin ïoh ban ïalehkai ha la iing (home) bad ha jaka jong kiwei (away) kaban sdang pat naduh u Lber mynta u snem.
Kine harum ki dei ki prokram ïalehkai jong kitei ki kynhun. ha ka 12tarik u Rymphang ka Shillong Lajong kan hap ban ïakhun pyrshah ïa ka Corbett FC. Ha kajuh ka por, ka United Chirang Duar FC kan ïakhun pyrshah ïa ka Downtown Heroes FC.
Ha ka 14tarik Rymphang pat, ka Shillong Lajong kan ïakhun pyrshah ïa ka United Chirang Duar FC katba ka Downtown kan ïakhun pyrshah ïa ka Corbett FC.
Ha ka 16tarik pat ka Shillong Lajong kan ïakhun ïa ka Downtown Heroes FC bad ka United Chirang Duar kan ïakhun pyrshah ïa ka Corbett FC

Leave A Reply

Your email address will not be published.