Shillong, Nohprah: Ka Seng Hynñiewtrep Youths’ Council (HYC) HYC Mawlai Nongkwar unit hynne ka sngi ka la ïoh ban sam ïa ki jingai sngewbha Khristmas sha ki 50 ngut ki longkmie jong ka shnong Mawlai Nongkwar.
ïa kane ka prokram ba lyngkot la pynlong ha phyllaw ka ophis treikam jong ka seng ha Nongkwar hapoh ka jingpynïaid jong u Bah Banpynbiang Riang dkhot ka unit.Ha kane ka jingïalang la ïoh ka jingkren na u President ka Unit u Bah Augustine Lyngdoh bad na u President ka Mawlai circle Bah Donboklang Kharlyngdoh.
Haba aijingkren ha ka jingïalang u Bah Donboklang Kharlyngdoh president ka HYC Mawlai Circle u la ong ba kine ki jingai kiba ka unit kala ai kim dei kiba wan na ki skhim MP ne MLA ne MDC hynrei ki wan hi na ka Seng HYC.
Nalor kata ula ong ruh ba kiwei ki nongai ki wan ban ai bad ka khroh na bynta u ka ilekshom ka ban long ha u 2023.
Watla katta u la ong pat ba na ka liang ka seng HYC kam kam shym la khroh satia na ka bynta ka ilekshon 2023, hynrei na ka liang ka seng ka shu kyntu ïa ki paidbah ba kin shu kyrshan ïa ka seng lyngba ki mat ne ki issue kiba ka seng ka ju dawa na ka sorkar bad ruh lyngba ki jingduwai.
Shuh shuh u la ong, ka HYC mynta ka ai blanket ne tapmoh khlieh ïa phi, bad lehse phi lah ban kynmaw bad klet ruh tang shibit por, hynrei kynmaw ba u Blei uba khrawbor lashai ka 24 tarik shiteng synñïa un sa ai sha ngi ïa u Jisu Khrist uba long u nongpynim jong ka pyrthei uba ngi dei ban kynmaw ïa u man la ka por.
Ha kajuh ka por u Bah Kharlyngdoh ula ai khublei ïa baroh ki longkmie ba kin nang ïoh ïa ki met kiba koit ba khiah bad ba kin nang ïa biang ha ka kamai kajih ka jong ki nangne shakhmat.
Katba na ka liang u Bah Augustine haba ai jingkren u la ong ba ka unit man la u snem ka ju pynlong ïa kum kine ki prokram ai sngewbha Khristmas bad u pynpaw ka jingsngewkmen ba mynta u snem ruh ki la ïoh ban pynlong biang ïa kaba kum kane ka prokram lyngba ka jingkyrkhu jong U Blei Trai kynrad nongbuh nongthaw, kata kumjuh ruh ïa ka Mawlai circle kaba ju ai mynsiem ïa ki na ka por sha ka por.Kane ka long katkum u kyrwoh lyngba u Bah M. Khyriem General Secretary ka HYC Mawlai Nongkwar unit.
