Shillong, Nohprah: Ka All Meghalaya State Electricity Board Employees Staff Union kaba dei ka seng hapoh ka tnat Meghalaya Energey Corporation Limited kala rakhe ïa ka Jubilee Rupa ne ka jingdap 25 snem jong ka ha ka 16 tarik mynta u bnai hapoh Dorbar Hall, Jaiaw Shyiap & Lum Pyllon, shillong ha ka jingïadon lang u Sanjay Goyal, IAS Chairman cum Managing Director, MeECL, Shillong, u Bah Dipsambor Hynniewta, MCS, Director Corportate Affairs, MeECL, Shillong.
Ha katei ka jingïalang u Sanjay Goyal ula ai ruh katto katne ka jingkren bad pyllait paidbah ruh ïa ka thup sahkynmaw ne ka Souvenir jong ka Union ha ka jingïadon ryngkat lang jong u Bah Dipsambor Hynniewta bad ki nongïalam ba hakhmat jong ka Union.Kane kalong katkum u kyrwoh lyngba u Bah RR Marbaniang, General Secretary ka All MeSEB ES Union, Shillong.
