Ai khublei Khristmas bad snem thymmai ka Jaïaw Ehrngiew Transport Society (JETS 24X7)

Shillong, Nohprah :Ka Jaiaw Ehrngiew Transport Society (JETS), Shillong 24X7 kaba dei kawei na ki kompani thymmai jong ki Khun samla ka jylla kaba dang shu paw shen ha sor Shillong ka shim ïa ka kabu ban ai khublei “Khristmas bad Snem Thymmai” basuk bakmen sha baroh ki paidbah nong shnong ka jylla.
Lyngba u kyrwoh na u samla Pynskhemlang W Uriah, Director jong katei ka Kompani JETS 24X7 u ai ka jingai khublei Khristmas bad snem thymmai sha baroh ki paid ka jylla bad ba U Blei Un kyrkhu kyrdoh bad Un ai ïa u snem uba dap da ka jingkyrmen ïa iwei pa iwei.
Ha kajuh ka por u pynpaw ruh ba ka JETS 24X7 shen kan sa sdang treikam noh ha sor Shillong khnang ban ai ka jingshakri kaba shngaiñ (safe) bad jem dor (affordable) ïa ki paidbah ka jylla lyngba ki kali thuk thuk (two wheeler) bad kan ïai bteng ruh ban pynkha ïa ki shnat treikam ha kylleng ki jaka sor (district headquarters) ka jylla Meghalaya khnang ban ai kam ai jam ïa ki khun samla kynthei bad shynrang ka jylla kiba angnud ban ïeng hala ki jong ki kjat.
Shuh shuh u lah pynpaw sha baroh kito ki samla shynrang bad kynthei kiba kwah ban kamai lyngba ka JETS 24X7 ki lah ban ïakren kham bniah lyngba kine ki phone No. jong ki nongpynïaid ka Kompani ne kin wad jingtip lyngba ka website ka ba yn sa pyllait paidbah shen.