Khliehriat ïaïong 17: Kawei ka trok ka la sahkut hapdeng surok ha ka jingtwa ka khyndew kaba la hap ha surok national highway ha Wah Koh hajan ka shnong Dona ha ki thaiñ Narpuh bad kane ka la jia mynta ka sngi.
Ka jingtwa ka khyndew ka la kit lang ruh ïa ki dieng ki siej bad ki maw bad lynshop ïa katei ka trok haduh ba ka trok kam lah shuh ban ïaid bad ka la shu sahkut hapdeng ki dieng bad khyndew kaba la i Kum ba ka surok bah ka la jylla Kum ka khlaw.
U Deputy Commissioner, ka East Jaiñtia Hills District,u Abhilash Banarwal u la iathuh ba kat haduh mynta ki don san tylli ki JCB bad kawei ka excavator ha ki thaiñ Narpuh ban pynkhuid ïa ka surok .
Hynrei katkum ki thymmei khubor ba la iohlum pat ki iathuh ba ha Ratacherra bad ha Malidor ki duna palat ki JCB bad ym don excavator ban pynkhuid ïa ka jyrsieh bad weng ïa ki maw kiba hap ha surok.
Ki paidbah ka thaiñ Ratacherra, Malidor ki la buh ka jingkyrpad ïa ka NHAI ba kan shim khia ban peit lem ïa ka thaiñ Ratacherra, Kuliang bad Malidor kiba dei ki jaka ba jur bha ka jingtwa ki lum ki khyndew.
