Shillong, ïaïong, 19: U Myntri Rangbah ka Jylla Conrad K Sangma ula shah jied biang ban shimti kum u National President jong ka National People’s Party (NPP) na ka bynta ka samoi treikam jong u snem 2025 – 2028.
U Myntri barim ka Sorkar Meghalaya u James PK Sangma u la shah thung kum u National Working President, katba ka MLA jong ka Gambegre ka Dr Mehtab A Sangma kaba long ruh ka kurim jong u Conrad Sangma ka la shah thung kum ka Treasurer bad ka para jong u Conrad Sangma kaba long ka MP barim jong ka Tura ka Agatha K Sangma ka la shah thung kum ka National Vice President, ong ka jingpynbna ba la pynmih da ka party ha ka sngi Sngi Palei mynta ka taiew.
Lai ngut kiwei pat ki National Vice Presidents ki kynthup ïa u SL Kol na ka jylla Madhya Pradesh, u Vevoyi Wideo na ka jylla Nagaland bad u Pesi Jilen uba long u MLA na ka jylla Arunachal Pradesh.
Ïa u Paknga Bage na ka jylla Arunachal Pradesh la thung kum u National General Ssecretary (Organization) bad u Abhaya Kashyap na Delhi kum u National General Secretary (law & admin).
Ki saw ngut ki National Secretary ki kynthup ïa ka Myntri ka Sorkar Meghalaya ka Dr M Ampareen Lyngdoh, u MLA na ka jylla Arunachal Pradesh u Tapi Darang, u Samuel Sumi na ka jylla Nagaland bad u Saidul Khan na Meghalaya.
Nalor kine, la thung ruh 13 ngut kum ki Executive Member.
