Ryngkat ki jingsam khusnam bapher bapher shongkun ka rakhe Sngi Laitluid ka ri ha jylla

Shillong, Nailar 16 : Ka Jylla Meghalaya ha ryngkat ka Ri baroh kawei, ha ka Sngi Ba-ar, ka la rakhe ïa ka lyngkhuh snem ba 77 ka jinglaitluid ka Ri hapdeng ki jingïalang ba ishongkun bha ba la pynlong kylleng ki jaka jong ka Jylla.
Hangne ha Shillong ka Nongbah ka Jylla, u Myntri Rangbah ka Jylla Conrad K Sangma ula pynher ïa ka lama lai rong ka Ri bad shim ïa ka Rashtriya Salute jong ki 18 tylli ki kynhun ba kynthup ïa ki BSF, CRPF, MLP, Tripura State Rifles, Unitarian Hr. Secondary School Puriang, Holy Cross Secondary School, Nongmensong, Nongrah Secondary School, Nongrah, NCC boys and girls, Meghalaya Bharat Scouts and Guides, Laban Presbyterian Hr. Secondary School, Little Flower Secondary School, Seven Set Hr. Secondary School, BSF Sr. Secondary School, Auxilium Girls Hr. Secondary School, Brookside Adventist Hr. Secondary School, kynhun niah kulai ka Assam Rifles Higher Secondary School bad ka kynhun tem ka Border Wing Home Guards.
U Myntri Rangbah ula sam ruh ïa ka khusnam Arts and Craft Village Award sha ka Shnong Wahkhen, East Khasi Hills halor ka jingpynneh ïa ka put ka tem na la tynrai bad ka sap thaiñ kti da ki siej, ka shnong Larnai ha West Jaintia Hills halor ka jingshna ïa ki khiew khyndew ïong, ka shnong Pahambir ha Ri-Bhoi halor ki khana pateng, ka Tangmang, East Khasi Hills halor ka jingshna shylliah siej, ka Mairang halor ki kam thohdur, shna motdur, shna jingshna bad ka Amindagre West Garo Hills kaba la bna nam halor ki kam shna jingshna da ki dieng bad ki maw.
U Myntri Rangbah ula sam ruh ïa ka khusnam State Literary Award jong u snem 2010 sha u (L) Dr Iarlington Kharkongor halor ka jingthoh ïa ka kot Khasi “Ka Nongrim ban tei bad tehsong ïa ka ïing ka sem ka Ri bad Jaidbynriew” bad u (L) BS Bangshall uba thoh ïa ka kot Garo “Sonajing’. ïa ka State Literary Award u snem 2011 la ai sha u (L) Dr JS Shangpliang halor ka kot Khasi “Ka Khet” bad u Lwellyn R Marak halor ka kot Garo “Pagitchamrangi Agana”.
Ha kane ka sngi, la sam ruh ïa ka khusnam sha ki nongjop jong ka March Past kiba ïashimbynta ha ka jingrakhe ïa ka I-Day ha kaba ïa ka nam ba nyngkong la ïoh da ka Holy Cross Secondary School, Nongmensong, ka 1st Runners up sha ka skul Adventist Hr Secondary School bad ka 2nd Runners Up sha ka Nongrah Presbyterian Secondary School.
Ka Deputy Commissioner ka East Khasi Hills ka la sam ïa ka Kayakalp Award 2022-2023 jong ka East Khasi Hills sha ka Ganesh Das Govt. Ka MCH Hospital ka la ïoh ïa ka best District Hospital bad Eco Friendly District Hospital, ka Civil Hospital ka la ïoh ïa ka Commendation award ka District Hospital, ka Sohra CHC ïa ka best CHC bad Eco-Friendly award, ka Mawphlang CHC bad Sohiong CHC ïa ka CHC award, Thynroit HWC-SC bad Thangsning HWC-SC ki la ïoh nyngkong bad ba-ar ha ka HWC-SC, Kharang HWC-SC bad kiwei kiwei.
Ka East Khasi Hills District Social Welfare Office ka la pynkup ïa ka DSWP Award sha ka kong Saduka Rangad, Probation Officer, Special Home, Boys, Mawkasiang, New Shillong halr ka jingtrei shitom bad aiti ha ka kam ban shakri ïa ki Khynnah kiba donkam jingïada.
La pynbna ruh ïa ka Police Medal for Meritorious Service Awardees ha kaba ki nongïoh khusnam ki kynthup ïa u Lumlang John Malngiang, Havildar, East Jaintia Hills DEF bad Shri Ram Phawa, Havildar, Police Taining School, Umran. Kiba ïoh ia ka khusnam Union Home Minister’s Medal for Excellence in Investigation jong u snem 2023 ka dei ka Salmay R Marak, Sub Inspector, West Garo Hills DEF.
ïa ka Fire Service Medal for Meritorious Service Awardees la pynbna ha kaba u Dawrupaia Passah, Leading Fireman bad u Iengborsing Majaw, Fireman kila ioh ia ka khusnam.
ïa ka khusnam President’s Home Guards & Civil Defence Medal for Distinguished Service la ïoh da u Merinpole Koksi Sangma, Joint Director ka Civil Defence. ïa ka Home Guards & Civil Defence Medals for Meritorious Service la ïoh da u Bakstar Mynsong, Sub Inspector (HG) bad u Ram Charles Lamare, Havildar (HG).
Ha kane ka jingrakhe la don ruh ki cultural program jong ki khynnah skul ka St.Mary’s Higher Secondary School, ka Shillong Public School, Sein Raij Secondary School, Holy Cross Secondary School and Government Girl Hr. Secondary School.