Nongpoh, Jymmang 14: Ki nongïalam ka Nongpoh Region Auto Owners & Drivers Association (NRAO&DA) mynta ka sngi kila leit ban ïakynduh syndon ïa u MP ka Shillong, u Dr Ricky AJ Syngkon ha iing sah jong u naka bynta ban ïakren shibun ki kam kiba ïadei bad ka bha ka miat ki nongñiah auto kiba ju kamai haka thaiñ Nongpoh bad ka imlang ka sahlang.
Naka liang ki nongïalam hapoh ka jingïalam u Bah Banasar Lyngdoh Nonglait kum u President, haka jingdonlang u Bah F Lyngdoh Organising Secretary lem bad kiwei ki dkhot kila aiti ruh da ka dorkhas ha u Dr Ricky Syngkon kiba la pynpaw ba kum ka kynhun kaba peit ïaka bha ka miat ki nongñiah bad kamai auto ki donkam shibun ki jingïarap ban nang pyntyllun ïaki kam khamtam haka jingshakri paidbah bad ka bha ka miat jong ki nongñiah hi baroh kiba ju kamai haka thaiñ Nongpoh.
Haba kren sha ki lad pathai khubor naka liang u Bah F Lyngdoh Organising Secretary ka seng u la ong ba kum ka kynhun ki nongñiah auto kila leit ban kynduh kyrpang ïa u Dr Ricky Syngkon naka bynta ka jingdonkam jong ka seng bad ki paidbah ryngkat ka jingkitbok ba un dang lah ban trei bad shakri kabab ha tam sha ki paidbah bad naka liang u Bah Ricky Syngkon u la kular ban shimkhia ïakatei ka kam bad ka jingkyrpad jong ki nongñiah auto.
