Ryngkat 2 tylli ki bseiñ ïoh kurup ki Pulit na ki 8 ngut nong Bangladesh

0

Shillong, Kyllalyngkot 24 : Ki Pulit jongka Halidayganj, Police Station West Garo Hills District ki la ïoh ban kem ïa 8 ngut ki briew kiba dei ki nong Bangladesh mynta ka sngi ha ka por mynstep katba ki dang wan rung tuh sha India na khappud lyngba ka Dalu. Kine ki dei kiba na Mitapukur, Sabar bad Habra jongka Bangladesh.
Kine kiba shah kem ki dei Pappu Sheikh (27), Alif Mal (39), Masirul Ojha (18), Arif Sheikh (37), Maherul Khan (19), Alif Mondol (35), Dalia Ojha, bad Jhorina. ïa kine baroh la pynngat ha ka kyndon 14 A (a) jongka Foreigners Act.
Ha ka jingtalasi ïa kine ki briew ki pulit ki la ïoh ruh ban kurup ïa ki ar tylli ki bseiñ kiba dang im na u Pappu Sheikh bad Alif Mondol. ïa kine ki bseiñ la aiti sha ki briew jongka tnad Wild Life.

Leave A Reply

Your email address will not be published.