Jowai, Jymmang 04: Ka jingïakhun Quarter final jong ka lympung phutbol bala pynïaid da ka Football Committee jong ka Sports and Youth Sub Committee ka WJSU, ïa kaba la tip kum ka ‘First War Jaiñtia Invitation Football Tournament 2025’, kaba la long ha ka sngi saitjaiñ hapdeng ka Syndai pyllun SC pyrshah ïa ka Nongmadan CC Pynursla ha madan Amshipai, Amsohkrut Amlarem.
Haba phai sha ka jingïakhun kala long kaba itynnad bha hapdeng kine ki ar liang mamla, ha kaba ka Syndai United SC ka jop da ka said lyngba ka shi kol (1-0) kaba la thep da u Refill Syndai haka minute kaba 78.
Da kane ka jingjop ka Syndai Pyllun SC kala ïoh ban jam shakhmat bad rung sha ka Semi Final jong kane ka lympung.
Na ka liang ka Football Committee jong ka Sports and Youth Sub Committee ka seng kala pynbna paidbah ba ka jingïakhun kaba bud kan long ka jingïakhun ïa ka Semi Final ba nyngkong kaba la buh haka 07 tarik u Jymmang, 2025 (sngi Balang) hapdeng ka Amlarem Social Club, Amlarem, Warjaiñtia region pyrshah ïaka Lamyrsiang SC, Saipung Block Sports Association haka por 2 baje nohphai sngi ha kane hi kajuh ka madan.
Ka seng ka kyntu ïa ki paidbah ka War Jaiñtia ba kin wan ai jingkyrshan pura ïa kane ka lympung khnang ki jingthmu ba bha ka seng kin long kiba jop bad seisoh.
