Jowai, Nailur 21: Ka jingïalehkai phutbol bala tip kum ka (L) Kesilroy Pala Invitation Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Rymbai Shkenshynriah FC ka la pynliem da 3-1 kol ïa ka Mih myntdu FC, u Sheen Sohktung u la ïoh ban thep ar kol haka minit ba 14 & 80 bad u Nickle Bina haka minit ba 86. Katba ïa ka shikol na ka Mihmyntdu FC la thep da u Wailad Shylla haka minit ba 47. Lyngba kane ka jingjop jong ka Rymbai Shkenshynriah FC kala ïoh ban rung sha ka Semi Final jong kane ka lympung.
La pyntip ba ka jingïakhun Quarter Final ba lai haka 22 tarik kan long hadpeng ka Mukhla FC pyrshah ïaka Ialong FC.
Katba ka jingïakhun ba saw haka 23 tarik kan long hapdeng ka Mynsngat FC pyrshah ïa ka Salaroh FC baroh ki jingïakhun kin long haka por 2 baje nohphai sngi.
