Jowai, Lber 17: Ka Dorbar shnong Pdengshakap kaba pynïaid ïaka jingïalehkai phutbol ïaka ba la tip kum ka 10th Secondary School Football Knock-out Tournament 2023-24 ha madan Pdengshakap, West Jaiñtia Hills.
Ka jingïalehkai hakane ka sngi saitjaiñ bala dep kala ïoh ban pynlong kawei ka jingïalehkai Quarter final ba khatduh ha pdeng ka Thun FC pyrshah ïaka One soul Utd (Pdengkarong) ha kaba ka Thun FC kala jop da 3-1 daka jingïa shut Tie-breaker hadien bala ïakhaid ka jingïalehkai da 1-1.
Ïaka shikol jong ka Thun FC la ïoh ban thep da u Dritam haka minit kaba 35, katba ïa ka One Soul Utd (Pdengkarong) pat la ïoh ban thep da u Pynshai Lathong haka minit kaba 85. Kumta ka Thun FC kala buh jaka ïalade sha ka Semi-final jong kane ka Tournament. Kum ban shu pyn kynmaw ba ki Teams kiba la ïoh rung sha ka Semi-Final jong kane ka Tournament ki long ka Rymbai Shken shynriah SC, ka Thrangchynnam FC, ka YFC Trangblang bad ka Thun FC.
Naka liang jong ka Tournament Committee kan bteng ïaka jingïalehkai Semi-Final ba nyngkong haka 23 tarik mynta u bnai hapdeng ka Rymbai Shkenshynriah SC pyrshah ïa ka Thrangchynnam FC ha ka por 2 baje nohphai sngi.
Kumta naka liang jong ka Tournament Committee ka khot bad wer lang ïa baroh ki paid ieit phutbol jong ka thaiñ ban wan sakhi lang ïakane ka jingïalehkai Semi-Final ba nyngkong.
