Jowai, Kyllalyngkot 27: Ka Dorbar shnong Pdengshakap kaba pynïaid ïaka jingïalehkai football jong ka ïa kaba la tip kum ka 11th Secondary School Football Knock-out Tournament 2024-25, ha madan phutbol ha Pdengshakap West Jaiñtia Hills District.
Haba phai sha ki jingïalehkai ba la long ha ka sngi saitjaiñ la ïoh ban pyndep ïa artylli ki jingïalehkai 2nd round.
Haka jingïalehkai ba nyngkong ka Brother Enterprises FC kala lah ban pynliem ïaka Kynrumlang-i FC da 5-4 daka jingïashut Tie-breaker hadien ba ïakhaid khlem don ba lah pynkhihjar ha ka por ba la buh.
Haka jingïalehkai kaba ar pat ka Rymbai Shkenshynriah SC kala lah ban pynliem noh ïaka Amlanai da 2-0 kol.
Baroh ar tylli ki kol ka Rymbai Shkenshynriah SC ka la ïoh ban thep ha ka kylla miet jong ka jingïakhun. ïa ka kol kaba nyngkong la thep da u Jeremy Nongtdu haka minit kaba 52 shuwa ba u Hesmiky Rymbai un pynthikna ïa ka jingjop da kaba thep ïa ka kol kaba ar haka minit kaba 54.
Te naka liang jong ka Tournament Committee kan bteng biang ïaka jingïalehkai ha kane ka sngi saitjaiñ ban wan, ka jingïalehkai haka por 12 baje mynsngi ka Synroplang FC pyrshah ïaka Nangbah Mulang SC, katba haka por 2 baje nohphai sngi pat ka Golden Lion FC (Rymbai) pyrshah ïaka Namrhenlang-i FC.
