Shillong, Ïaïong 28: Ka khubor ba la ïoh na ki pulit la ïathuh ba u Biki Hinge ula phah ka jingujor ba ha ka 25 tarik mynta u bnai ha ka por kumba 3 baje mynstep, ki runar bym lah ban ithuh ki la tuh ka scooter jong u kaba don u nombar ML-04D-9083 na Lummawrie, Laitumkhrah, Shillong.
Ha kawei pat ka jingjia u Ashok Thapa u la phah ka jingujor ba ha ka 24 tarik mynta u bnai ha ka por 7 baje mynmiet, ki runar bym lah ban ithuh ki la tuh ka thok thuk jong u kaba don u nombar ML-05Z-5073 na Upper Mawprem, Shillong.
Shuh shuh ha ka 26 tarik mynta u bnai ha ka por 11.15 baje mynmiet, u Bah Neville Sohtun u la pyntip sha ki pulit ba ki runar bym lah ban ithuh ki la tuh ka thuk thuk jong u kaba don u nombar ML-05AF-5130 napoh Windermere, Nongrah, Shillong.
Ha kawei pat ka jingjia, ha ka 25 tarik mynta u bnai ha ka por 6.40 baje mynmiet, u Rajesh Rampal u la pyntip ïa ki pulit ba ki runar bym lah ban ithuh ki la tuh ia ki electric wire, ki switch box bad kiwei ki tiar kiba shongdor T. 1.5 lak napoh ka jaka shna jingshna kaba don ha Kench’s Trace, Shillong.
