Shillong, Ïaïong 28: Ki pulit ki la ïathuh ba ha ka 26 tarik mynta u bnai ha ka por kumba 7.15 baje mynmiet, hadien ka jingïoh jingtip, ki pulit ki la pynlong ïa ka jingtalasi ha Mawsynram (EKH) bad ki la ai dak ïa kawei ka kali kaba don u nombar ML-08F-0026 ban ïeng na ka bynta ka jingtalasi; hynrei katei ka kali ka la phet krad na katei ka jaka.
Kham hadien pat na ka liang ki pulit ki la lap ba ïa katei ka kali la shu ieh hapoh ka shnong Kper Masi (EKH), khlem da la lap shuh ïa u nongñiah bad ïa kiba shong hapoh ka kali.
