Shillong, Nailar 02: Ka khubor ba la ïoh na ki pulit la ïathuh ba u William K Marak uba na ka shnong Bolpu Chiring, West Garo Hills (WGH) u la phah ka jingujor ba ha ka 18 tarik jong u bnai Naitung ha ka por 7 baje mynstep, ki runar bym lah ban ithuh ki la tuh bad rong ei ïa ka thuk thuk jong u kaba don u nombar ML-08C-4002.
Shuh shuh ki pulit ki la ïathuh ba u Tengean K Sangma u la phah ka jingujor ba ha ka 22 tarik jong u bnai Naitung ha ka por kumba 5 baje mynstep, ki runar bym lah ban ithuh ki la tuh ka scooter jong u kaba don u nombar ML-10B-9877 na kawei ka jaka ha Shillong.
Nangta ha kawei pat ka jingjia kawei ka longkmie kaba na Shillong ka la phah ka jingujor ba ha ka 21 tarik jong bnai Naitung ha ka por 4 baje mynstep, ki runar bym lah ban ithuh ki la tuh ka scooter jong ka kaba don u nombar ML-04D-9175 napoh ka jaka sah jong ka kaba ha kawei ka shnong ha East Jaiñtia Hills.
