Resaiñ noh u Bah Kansing na ka Congress

Shillong, Risaw : U President jong ka Mawkynrew Block Congress Bah Kansing Lyngshiang ha ka sngi Thohdieng u la phah ia ka shithi resaiñ sha u President ka Meghalaya Pradesh Congress Committee, Bah Vincent H Pala.
Ha katei ka shithi u Bha Kansing u la kdew ba ka daw kaba pynlong ia u ban resaiñ kadei na ki daw shimet.
Lah ban kdew hangne ka Congress ka la thmu ban pynieng da utei u Rangbah ha ka elekshon ban wan na Mawkynrew. Hynrei dang shen la mih pat ki khubor ba ha ka 26tarik mynta u bnai un leit ban pyniasoh noh sha ka NPP bad aireng ruh na katei ka party ha u 2023.