Tura, Nailar 30: Ki pulit jong ka Resubelpara Police Station ki la register da ka cae ha kaba ïadei bad ka jingshah leh dusmon ka ïingmane jong ka balang Katholik kaba don ha ka shnong Daram jong ka North Garo Hills ha ka 24 tarik Nailur 2022.
Haba kren bad ki nongthoh khubor u Superintendent of Police North Garo Hills u Shailendra Bamaniya, u la ïathuh ba ha ka jingshisha kane ka jingjia ka la jia ha ka 24 tarik hynrei dei ha ka 26 tarik ba ki la wan ban ujor da ka ejahar ha Resubelpara PS bad u la ïathuh ruh ba na ka liang ki pulit ki dang pynlong ia ka jingtohkit ban lap ia kiba donkti.
Kumban shu kdew hangne ba kane ka ïingmane kaba don ha Daram ka dei kawei na ki ïingmane ba la rim tam jong ka balang Katholik ha rilum Garo ha kaba ki riew leh dusmon ki la leit ban pynpait ïa ki dur mot jong u Jisu, ka Mary bad ruh u Joseph.
