Shillong, Kyllalyngkot 16: Ka Meghalaya Cricket Association ka la pynbna ïa ka thup kyrteng jong ki nongïalehkai na bynta ki ar tylli ki jingïalehkai ba khadduh ha ka Ranji Trophy 2024-25, ki ban long pyrshah ïa ka Odisha bad ïa ka Mumbai.
Ka Ranji Trophy ka la sangeh shipor ha u bnai Naiwieng bad ka samoi lehkai ki lympung jong ka BCCI ka la kynriah pat sha ka Syed Mushtaq Ali Trophy (SMAT) T20 tournament bad ka Vijay Hazare Trophy one day tournament. Hadien ba la pyndep ïa kine, la buh ban sdang biang ïa ka Ranji Trophy naduh ka 23 tarik Kyllalyngkot.
Ka Meghalaya kan ïakhun pyrshah ïa ka Odisha ha Shillong ha katei ka tarik shuwa ba ka jingïakhun ba khadduh mynta ka samoi pyrshah ïa ka Mumbai ha ka 30 tarik Kyllalyngkot ha Mumbai.
Ki lai ngut ki player kynsai na bar (guest professional player) na bynta kine ki ar tylli ki jingïalehkai ki long u – Ajay Duhan, Sumit Kumar bad u Anirudh B – la wanrah biang ha ka kynhun; katba ka Meghalaya ka la jied tang ïa ki rangïalehkai trai jylla na bynta ka SMAT bad ka Vijay Hazare tournaments.
Kine ki rangïalehkai ba la shah jied kin hap ban leit mih ha Majestic Hotel ha Shillong ha ka 18 tarik Kyllalyngkot bad ka jingïalehkai kan sdang ha ka sngi kaba bud ha madan kriket jong ka MCA ha Polo.
Ka thup kynhun jong ka Meghalaya na bynta ka jingïalehkai ba 6 bad 7 ha ka Ranji Trophy 2024-25 ki long: Aryan Borah, Akash Kumar Choudhary (C), Anish Charak, Arpit Bhatewara (WK), Bamanbha Shangpliang, Bijon Dey, Dippu Sangma (VC), Jaskirat Singh Sachdeva, Pringsang Sangma, Wanlambok Nongkhlaw, Nishanta Chakraborty, Md Nafees Siddique, Ajay Duhan (BCCI approved guest player), Sumit Kumar (BCCI approved guest player), Anirudh B (BCCI approved guest player)
Standby: Arien B Sangma, Chengkam Sangma, Riboklang Hynniewta, Lerry G Sangma, Himan Phukan
Support staff: Prabhakar Bairgond (Head Coach), Moisten Ch Marak (Assistant Coach), Surojit Biswas (Physio), Vikash Singh Chauhan (Trainer), Dister Marbaniang (Manager)
