Ka jingïoh kamai ha kane ka jingïakhun ki long :
1st inning Meghalaya – 276/10 (Anirudh B 142; MG Choudhary 4/88)
1st inning – Maharashtra (toss) – 361/10 (Harshal Kate 128, MS Bhandari 73; Akash Kumar Choudhary 4/76)
2nd inning – Meghalaya 185/10 (Sumit Kumar 45; MG Choudhary 4/61)
2nd inning – Maharashtra 104/0 (MS Trunkwala 78*)
Shillong, Risaw 29 : Ka Maharashtra ka la ïoh ban pynliem noh ïa ka kynhun ïalehkai kriket jong ka Meghalaya haduh 10 wiket ha ka lympung ïalehkaijong ka Ranji Trophy 2024-25 Elite na ka Group A, ha ka step jong ka sngi kaba saw bad kaba khatduh kaba long ha kane ka sngi Ba-ar ha Aurangabad.
Hadien ba la buh ïa ka thong kaba 101 ron ban jop, ki rangtied ka Maharashtra ki la lah ban pyndep ïa ka thong khlem da khyllem wiket.
Kumta, haba sdang ïa ka kylla kaba ar (second inning) da ki 157 ron la 8 wiket, ka Meghalaya ka la ïoh ban kamai shuh sa 28 ron ban pynkut ïa ka jingkamai da ki 185 ron bad liem lut ki rangtied. Na ki rangkamai ron u Sumit Kumar (guest profession player) u la shah pynliem noh da ki 45 ron bad kylla long ruh u rangkamai ron uba ïoh bun eh kane ka kylla kaba ar.
Hadien ba ka kynhun trai jaka ka la ïoh ban lamkhmat da 85 ron ha ka kylla kaba nyngkong, kaba mut ba ka kynhun ka la hap ban beh ïa ka thong kaba 101 ron ban khur ïa ka jingjop ïa kaba ki la lah ban leh tang ha ki 21.1 over.
Watla kane kadei ka sien rem kaba lai sien ban ban ïa ka kynhun ïalehkai jong ka Meghalaya, hynrei kaban kham pynhun mynsiem ïa ki bor pynïaid pat ka long ba khyndiat ka jinglah jong ka kynhun ban kamai ron ka la kham biang bad kham skhem watla ka dang donkam ban pynjanai shuh shuh.
Mynta ka kynhun ïalehkai ka Jylla ka hap pat ban ïakhun sa ïa ka kynhun ïalehkai jong ka Jammu bad Kashmir naduh ka 06tarik Naiwieng ha jaka lajong.
Khyndiat shaphang ka kynhun ïalehkai jong ka Jammu & Kashmir, kane ka kynhun ka la mad haduh arsien ïa ka nam ïakhaid hynrei ka ïoh pat ban pynliem ïa ka Services da shi inning la 25 ron ha ka jingïakhun kaba long ha Srinagar dang shen.