Shillong, Lber 21: Ka tnat ka Koit ka Khiah jong ka sorkar jylla ka la rakhe ïa ka World Oral Health Day ha ka sngi Balang hapoh ka Bharat Nirman Rajeev Gandhi Sewa Kendra Building, Mawdiangdiang.
ïa ka prokram la pynïaid da Dr I. Mylliemngap, Dental Surgeon ka Smit PHC. ïa ki kyntien pdiang sngewbha la ai da Dr B.Kanti, District Nodal Officer ka NOHP bad NTCP, East Khasi Hills District. La ïoh ki jingkren lyngkot na Dr F.V.Kharshïing DHS, MCH & FW bad Dr S.Lyngdoh, DMHO, East Khasi Hills District halor ka phang “A Happy Mouth is a Happy Body”.
ïa ka jingkren bad jingpynsngewthuh paidbah halor ka jingdonkam jong ka oral health la ai da Dr N. Kharumnuid, Dental Officer, NEIGRIHMS. ïa ka prokram la pynkut da ki kyntien ai khublei la ai da Dr D.Mukhim, Dental Surgeon, Pomlum PHC.
ïa ka prokram la shimbynta da ki Dental Surgeon na ki jaka bapher bapher jong ka East Khasi Hills District, ki khynnah skul, ki nongtrei ka Mawryngkneng Block bad ki dkhot ka Executive ka Dorbar Shnong Mawkasiang. Ka la don ka jingkhmih bniah ïa ka shyntur bad ka jingsam ïa ki jingai sngewbha sha baroh kiba la ïashim bynta ha kane ka prokram.
