Rakhe ka jylla ïa ka Meghalaya Day

Shillong, K’ Lyngkot 21: Ka ophis Deputy Commissioner, East Khasi Hills District, Shillong, ka la pynlong ïa ka jingrakhe ïa ka Meghalaya Day 2025 mynta ka sngi ha Conference Room jong ka Ophis Deputy Commissioner.
Ha kane ka prokram la pynïaid ïa ka jingïalang da ka R. M. Kurbah, IAS, Deputy Commissioner, East Khasi Hills District, ha kaba ka la batai ïa ki jingmyntoi bad ki jingjop ba la ïoh da ka district bad ha kane ka sngi ka la don ruh ka jingrakhe lyngba ki prokram bapher bapher kiba ïadei bad ki riti dustur bad kiwei kiwei ki prokram.
Ha kane ka sngi ka la don ruh ka jingkren pdiang sngewbha da u Bah S. Phanbuh, MCS, Assistant Commissioner. Ka la don ruh ka jingsam ïa ki khusnam sha ka shnong kaba khuid tam hapoh ka nongbah bad kumjuh ruh ki nongtrei kiba trei bha ïa ka kam na ka bynta kane ka snem bad kiwei kiwei.
Ha kane ka sngi ka la don ruh ka jingïalehkai jong ki khynnah napoh ka Boys Home and Girls Home, Mawkasiang hapoh ka jingpeit jong ka District Child Protection Office (DCPO), bad kiwei kiwei ki prokram.
Ha ka jingkren jong ka, ka Chairperson, ka kong R. M. Kurbah, IAS, Deputy Commissioner, East Khasi Hills District ka la ïathuh halor ki kam kiba ka jylla ka la shim ha kaba ïadei bad ka jingkyntiew ïa ki samla ha kane ka jylla.
Ïa kane ka jingrakhe la pynkut da ka jingai khublei na u Bah K. T. Nongsteng, MCS, Assistant Commissioner, bad ka jingrwai ïa ka National Anthem.