Shillong, Jylliew 25: Ka Border Road Organisation (BRO) jong ka shnat trei kam ha Meghalaya ka la rakhe ïa ka International Yoga Day da ka jingiashim bynta kaba shitrynhem na ki dkhot ka kynhun ha kine ki sngi.
Ka shnat trei kam jong ka BRO kaba don ha Shillong ka la sdang ïa kane ka jingrakhe IYD naduh ka 10 bad ki la pynkut ha ka 21/ jylliew/2025, ha kine ki khatwei sngi ki la don shibun ki jingïamir jingmut na ka bynta kyntiew ïa kane ka kynhun kaba dei bad ki kam shna surok.
U Rajeev Dua Chief Engineer haba kren sha ki briew jong kane ka kynhun u la ong ba ka jingrakhe ïa ka International Yoga Day ka long kaba shongshit ha kaba baroh ki la ïa shim bynta da ki shipai kane ka kynhun bad kiba ha ïing ha sem bad ki khun ki kti ha ka jaka trei kam ka jong ki.
Kane ka jingrakhe ka kynthup ruh ïa ka jingkren u Myntri Rangbah duh jong ka Ri India u Narendra Modi ha kaba kawei na ki phang ka long ka jingkoit jingkhiah ha ka bor pyrkhat jong ka jabieng, ka jingkoit jingkhiah ka met ka jingkren u Myntri Rangbah duh ka la ai mynsiem wat ha pdeng u slap khlem don ka jingthut.
Ïa kane ka jingrakhe ïa ka International Yoga Day kaba 11th la pynlong ha jaka treikam jong ka BRO ha R&D Establishment Border Roard Organisation Shillong.
