Shillong, Naiwieng 03: Hadien khatsaw snem ba uwei u samla ula ïap na ka jingshah dung da ka tari ha Shillong, ka ïingkashari ka la rai pynrem ïa u nongleh bymman bad hukum ban set along haduh 5 snem.
Une u runar u dei u Charles Marbaniang uba la shah tian bishar ha ka ïingkashari District & Session Judge ka East Khasi. Kane ka hukum ka la mih ha ka 22 tarik Risaw haba ïadei bad ka jingïap une u samla kaba la jia ha ka 8 tarik Risaw, 2012.
Ki Pulit ki ïathuh ba kane ka jingjia kala paw pyrthei hadien ba ki Pulit ka Contonment Beat House kila ïoh ïa ka khubor ba u Charles uba dung da ka tari ïa u para jong u nongmudui ejahar. Une u lanot ula mynsaw bad ïap noh hadien.
Ïa kane ka case la register ha Sadar Police Station hapoh ka kyndon 304 Part-I IPC. Ïa u Charles la kem da ki Pulit bad ïa ka chargesheet la aiti ha ka 1 tarik Naitung 2013 hapoh ka kyndon 302 IPC.
Ka Ïingkashari ka pynpaw ba u Charles ula dep shong phatok lypa shibnai bad 29 sngi. Kumta, mynta un shong phatok sa 4 snem, 10 bnai bad 1 sngi bad siew ia ka kuna ba T.30,000. Lada um lah ban siew ïa ka kuna un hap ban shong phatok sa lai bnai. Ïa kane ka case la tohkit da u UBSI R Ranee uba don mynta ha Mawdiangdiang Outpost, Shillong.
