Rai ka jingïalang paidbah Mukhla Dorbar Pyllun ban kyrshan ïa u Bah Ailad Bhoi

0

Jowai, K’Lyngkot, 24: Ka ka Jingïalang Paidbah ba la pynlong da ka Mukhla Dorbar Pyllun ha ka sngi Palei da ka jingsakhi lang jong ki san ngut ki Waheh Shnong hapoh ka Mukhla Pyllun da kawei ka jingmut ki la shim ïa ka rai ban ai jingkyrshan pura ïa u MDC ba mynta u Bah Ailad Bhoi uban ïakhun kum u kyrtong MDC na ka NPP na ka Mukhla Ummulong Constituency.
Ïa kane ka jingïalang paidbah da pynïaid da u Chairman u Bah Teng Sari uba long ruh u Chairman ka Dorbar Chnong Mukhla Nongrim, kynthup naduh ki nongïalam shnong kata u Waheh Shnong Mukhla Nongrim, Waheh Shnong Mukhla Mission, Waheh Shnong Mukhla Shohshrieh, Waheh Shnong Ladmukhla bad u Waheh Shnong Mukhla Umlangshor, ha ka jingdonlang u General Secretary/President ka Mukhla Dorbar Pyllun, ki riew rangbah ka shnong nalor u MLA ka Jowai ma Wailadmiki Shylla.
Ki longkmie bad ki longkpa na ki 5 shnong ha Mukhla ki la wan ban ai jingkyrshan ha kane ka jingïalang ban pynjop don burom ïa utei u kyrtong ka NPP kumba ki la dep pynjop ïa u ha ka Election MDC 2019.

Leave A Reply

Your email address will not be published.