Jowai, Jymmang 22: Katkum ka kyrwoh khubor na u Superintendent of Police ka West Jaiñtia Hills District, la ong ka ïingkashari ba donburom jong u N.A Khan uba dei u nongbishar jong ka District and Sessions Judge, Jowai ha kane ka 20.05.2026 kala rai pynrem ïa u Glithstone Ch Marak, ha kaba ïa dei bad ka jingïap uwei hapoh phatok naduh u snem 1997.
La ïathuh ha ka 16 tarik Nohprah, 1997, ha ka por kumba 1:00 baje mynstep, u SI G. C. Marak In-Charge jong ka Raliang Out Post lem bad ki nongtrei jong u ki la kem ïa u Emsalon Tariang na ka ïingsah jong u khlem da pynpaw ïa kano kano ka daw.
Ka kmie jong u ka la kynnoh ba kitei ki pulit ki la buaid bad kila shoh la dat bad byrngem jur ïa u khun jong ka hapoh ka Out Post. Wat hapdeng ka jingkyrpad jong ka kila kyntait ban pyllait ïa u. Kaba sngewsih ka long ha ka step kaba bud ha ka por kumba 7:00 baje mynstep, ka kmie ka la lap ïa la u khun ba u thiah ïap lyngkhuid hapoh katei ka Out Post.
Ïa kane ka kes la register ha Jowai PS case No. 104(11)97 U/S 302/ 34 IPC bad la tohkit bad Charge Sheet da u Officer In-Charge jong ka Jowai Police Station ha katei ka por u Insp. Nila Kalita.
Ha ka jingbishar kaba 29 snem, ka ïing Kashari ba donburom kala rai pynrm da kaba pynshitom ïa u Glithstone Ch. Marak da kaba set phatok haduh 2 (ar) snem ha ryngkat bad ka kuna kaba Rs. 2,000/- (Ar hajar) tyngka.
