Jowai, Nohprah 12: Uwei u samla ïa u ba la tip kyrteng u Tmonlang Rymbai uba shong ba sah ha ka shnong Pamrakmai, u ba long uwei na ki samla ba juh trei na ka bynta ka imlang sahlang, u la shim ïa ka rai ban ïakhun ïa ka Election na ka Tuber Constituency ha kane ka Election MDC ka ban long ha u snem 2025, sha ka ïing Dorbar ka JHADC.Ka jingthmu jong une u samla ban ïa khun ïa kane ka Election ka long ba u don ka jingmut ba skhem, ban pynkhuid ïa ka jingbamsap bam pong hapoh ka shnong ka thaw ka District bad ha ka jylla hi baroh kawei. Ha ka jingïadei bad ka ticket ne ka party u ma Rymbai um pat lah ban ong ha kane ka kynti hynrei ka jingïakhun jong u kan long kaba ïaid beit shakhmat.
