Rah u Wanraplang Thubru na Rilum Jaiñtia ïa ka nam Over All Mr. Meghalaya Championship-2022 ha ka rynsan pyni dohksah

Shillong, Risaw 30 : U samla Wanraplang Thubru uba dei na ka shnong Nangbah Iawmusiang West Jaiñtia Hills District ula long syndon u nongjop ha ka Over All Mr. Meghalaya Champion-ship-2022, ha ka rynsan pyni dohksah ba la pynlong da ka Meghalaya Body Building and Fitness Association ha ryngkat ka World Fitness Federation India ha kane ka 28 tarik u Risaw, 2022 ha U Soso Tham Auditorium, Shillong.
Ïa kane ka jingïakob pyni dohksah ba heh duh hapoh ka jylla la pynlong biang ïa ka hadien 17 snem bad mynta ka snem 2022 la ai kyrteng ka Mr. & Ms. Meghalaya 2022’, kaba kynthup ha ka jingïakhun ïa ka Body Building, Bermuda Brach Model, Women’s Fitness bad ka Denim Jeans Model.
U samla Wanraplang Thubru hadien ka jingjop ula pynpaw ka jingsngew kmen da kaba ong ruh ba kane ka jingjop jong u kan ai mynsiem ïa kiwei de ki samla shynrang bad kynthei jong ka Ri-Lum Jaiñtia ba kin mih shakhmat ban ïashim bynta ha kum kine ki lympung pyni dohksah.
Halor kane ka jingjop jong u Wanraplang Thubru na ka liang u President ka Jaiñtia Body Building & Fitness Association (JBB&FA) samla Yoosar Kynjing, u pynpaw ka jingai khublei ïa une u samla uba la long ha ka juh ka por kum u nongprad lynti ïa ki khun samla napoh ka Ri-Lum Jaiñtia bad ïa ka jylla hi baroh kawei, u ai ka jingkitbok ïa utei u samla ba un dang kiew shaphrang ha ki jingïakhun kiba dan wan, ula pynkynmaw ba u samla Wanraplang Thubru ula jop ruh ïa ka 1st All Meghalaya Amateur Body Building Champion, Mr. Ironman Amateur 2021 kaba la dep long ha Jowai.
Kum u President ka JBB&FA u pynpaw ruh ka jingsarong ba ki khun ka Ri-Lum Jaiñtia ki la long kiba don shisha ka sap ka phong ha kino kino ki bynta jong ki kam ïalehkai sports, u ai khublei kumjuh ïa baroh ki khun samla na Ri-Lum Jaiñtia kiba leit ban ïashim bynta ha kane ka rynsan pyni dohksah Mr. & Ms. Meghalaya 2022.
La ïathuh lyngba kane ka jingjop jong u samla Wanraplang Thubru un sa leit ban ïashim bynta ha ka World Fitness Federation Mr. & Ms. East India Zonal Body Building & Models Championship, ïa kaba yn sa pynlong ha nongbah Sikkim ka ban sa long ha ka 6 tarik u Naiwieng, 2022.
Haba phai sha kane ka jingïakhun jong ka Mr. & Ms. Meghalaya 2022 ha ka kyrdan Body Building above 70 kg la wan ba nyngkong da u Wanraplang Thubru – Body zoo gym, 2nd Alfein Harris Nongrum – Golds Gym, 3rd Manuel Hamar – Assam Regiment Center, 4th Banpyskhem Kurbah – BT27 Gym, 5th Bishal Kuri – Chandans Gymnasium.
Ha ka body building below 70 kg, 1st Badonkupar Kharbhih – Body zoo Gym, 2nd Sunny. K. Gatphoh – Genfit Gym, ha ka Body Building below 65 kg 1st Johny Dkhar – Body zoo Gym, 2nd Bansaman Pyrbot – Body zoo Gym, 3rd B. Marvin Synnah – Iron House Gym, 4th Ressborn Khongsit – BT27 Gym, 5th Andrew Pakyntein – Fitness First Gym.
Ha ka body building below 60 kg 1st Ebenesar Khongsit – Genfit Gym, 2nd Lalremdor Wai Sangma – Elite Gym, 3rd Prasenjit Kar – Muscle Xcess Fitness Gym, 4th Maradona Rabon – Body zoo Gym, 5th Leverson Kharsyntiew – BT27 Gym. Ha ka Body Building below 55 kg 1st Fewstar Dkhar – Body zoo Gym, 2nd Ioanis Sangma – Elite Gym, 3rd Biswajit Das – Muscle Xcess Fitness Gym, 4th Daman Pohktai – Body zoo Gym, 5th Symond Myrten – Body zoo Gym.
Ha ka Bermuda Beach Model -5.4 ft (above) 1st Akash Choudry – Power house Gym, 2nd Vivian Oswin Pajuh – fitness first gym, 3rd Raja Langstang – J.S. Fitness gym, 4th Pyndapbor Khyriem – Body zoo gym, 5th Rohit Barua – fitness first gym, 6th Lalremmawia Sangma – elite gym.
Ha ka Bermuda Beach Model – 5.4ft (below) 1st Aristotle .L. Rynjah – body zoo gym, 2nd Lucky Man Kynjing – fitness first gym, 3rd Pynioladmi Pala – fitness first gym, 4th Kitbok Shangpliang – genfit gym, 5th Symond Myrten – body zoo gym.
Ha ka Denim Jeans Model 1st Rohit Barua – fitness first gym, 2nd Aristotle .L. Rynjah – body zoo gym, 3rd Kitbok Shangpliang – genfit gym, 4th Lucky Man Kynjing – fitness first gym, 5th Amos dkhar – Bodymass and Fitness Gym Jowai.
Ha ka liang ki kynthei Women’s Fitness 1st Jehvera .B. Nongkynrih – body zoo gym, 2nd Whitney ma Queen – Genfit gym, 3rd Averyl W. Lanong – Iron house gym, 4th Sawakani lakiang – Body Mass & Fitness Gym Jowai, 5th Jasmini i. Kharpuli – BT27 Gym.