TURA, Naiwieng 20: Ka rynsan ïakop ñiah kali kaba la tip da ka 7th Bilgaro Car Rally kaba la pynlong ha Tura ka la jam sha kaba kut hynnin ka Sngi Saitjaiñ, ha kaba u Ronan Bazeley, u ba na Shillong, u la ïoh ban khur ïa ka burom kum u overall champion bad wan kyrdan ba nyngkong ha ka thup ïakop ‘Car category’.
Ha kajuh ka por, u Daniel M Sangma u la wan kyrdan ba nyngkong ha ka thup ïakop ñiah ‘SUV category’.
ïa kane ka lympung la pynïaid da ka Tura Motor Sports Club (TMSC) , bad ki la don kumba 27 ngut ki nongñiah-kali kiba donsap na Tura, Nagaland, bad ruh na Khasi Hills kiba la wan shimbynta ha kane ka jingïakop ñiah-kali ha ki jaka lum lane ka ‘Hill Climb’ ha Aguragre ha ka jingjngai kaba 6-kilometer ka lynti ba hap pyndep.
