Shillong, Lber 11: Ka kynhun lehkai kriket jong ka Lumpyngad SCC ka la long ka lahduh ha ka lympung ïalehkai kriket ba la tip da ka Shillong Cricket League 1st Division 2024 ba la pynïaid da ka Shillong Cricket Association.
Ka Lumpyngad SCC ka la ïoh ban rah ïa ka namlahduh hadien ba ka la pynliem noh ïa ka Donkins SCC da 61 ron ha ka jingïakhun final hynne ka Lah Sngi U Blei ha madan kriket kaba ha Polo, Shillong.
Haba phai sha ka jingïakhun, ka Lumpyngad ka la jied ban tied nyngkong hadien ba ka jingkynting (toss) ka la noh sha liang jong ka. Ha ka inning jong ka Lumpyngad ka la ïoh ban kamai 219 ron, shah pynhap 8 wicket haduh kaba kut jong ka 40 over.
U rangïalehkai ba la seisoh ha ka tied na bynta ka Lumpyngad u dei u Vishal kr Balmiki, u ba la khyrwit 66 ron naki 82 bol, katba u Raja kr Balmiki u la kamai 40 ron naki 37 bol.
Napdeng ki rangkawangbol ka Donkins SCC, kiba la seisoh ki long u Marcus bhujel (8 over: shah tied 39 ron: khur 2 wicket) bad u Rohit Rai (8 over: shah tied 35 ron: khur 1wicket).
Haba pyrshang ban beh ïa katei ka thong kaba la buh, ki rangtied ka Donkin ki la ïohlad ban kynjoh tang sha ka 158 ron shuwa ba ki rangkawangbol ka liang pyrshah kin ïoh ban pynkhyllem noh ïa baroh10 ngut ki wicket tang naki 33.1 over.
Ki rangtied kiba la kamai kham bun ron ïa ka kynhun ki long u Baremdor LS Lyting (24 ron naki 29 bol) bad u Rayner lyngdoh (24 ron naki 56 bol) kiba la ïoh ban tied 20 ron shaneng na bynta ka kynhun, hynrei kam pat biang ban btin lynti ïa ka kynhun sha ka namjop.
Dei ki rangkawangbol kiba la seisoh bha ha ka inning tied jong ka Donkins SCC, ha kaba u Vishal kumar Balmiki (8 over: shah tied 18 ron: khur 4 wicket) bad u Parveen katty (7 over: shah tied 22 ron: khur 2 wicket) ki la ïoh ban khur mar 2 ngut ha ka bol.
ïa ka namtam ha kane ka jingïalehkai lane Player of the match la khur da u Vishal Kumar Balmiki u ba la tied 66 ron bad khur haduh 4 wicket ha ka bol kaba la ïarap ïa ka Lumpyngad scc ban jop ïa ka final da 61 ron.
Katba na ka liang jong u Rohit Rai u la ïoh ban khur ïa ka khusnam Man of the Series jong kane ka lympung.
Ha kane ka sngi la ïadon ryngkatlang u Secretary jong ka MCA-Bah Gideon Kharkomgngor, u Druba Thakuria-Treasure MCA, u Peter MacDonald Kharsawian President jong ka SCA bad Banri Kharmalki-Secretary SCA kiba la ïoh bynta ban sam ïa ki khusnam sha ki nongjop.
