Shillong, Naiwieng 28 : Ka Candy Clip FC ka la iohrah ia ka trophy kum ka namlahduh jong ka 1st FFA Knockout Tournament 2024 ba la pyniaid da u bah Champion Paliar bad u bah Steven Khongtyngkut, hadien ba ka la lah ban pynliem ia ka Sumo FC da 4-1 ha ka jingiakhhun ia ka final ha madan Friendship Futsal Arena, Lummawnei, Mawlai Umthlong ha ka 28 tarik u Naiwieng, 2024, ka sngi Palei.
Da kane ka jingjop ka Candy Clip ka la ioh khung ia ka song pisa ba 30,000 tyngka ryngkat ka trophy, katba kaba wan baar ka Sumo FC ka la ioh 15,000 ryngkat ka trophy.
Ha kane ka sngi la sam ruh ia ki khusnam shimet, ar ngut ki la ioh ia ka top scorer, kiba la ia thep mar 8 kol u Menang Khongji bad u Mickeyborn Marwein jong ka Golf link FC, katba ia ka nam best goalkeeper la ioh da John Kharnaior bad ia ka nam best player la ioh da u Aibok Lawrniang, kine baroh ar ngut ki dei jong ka Candy Clip.
Haba kren kum u kongsan u Bah PT Sawkmie, MLA barim u la ai khublei ia u bah Champion Paliar bad bah Steven Khongtyngkut kiba la pynlong ia kane ka 1st FFA Knockout Tournament 2024 kaba jop kabd kaba shongshit.
U la pynpaw ruh ba ka jingbun ki madan futsal kan iarap bha ia ki samla ba kin lait ban ngop ha u drok bad ba kan pynmyntoi ruh ia ki haba ia dei bad ka football ba kin nangkiew ha ka jingialehkai jong ki.
U bah Sawkmie u la ioh ban pynhap pyrda ia kane ka lympung iakhun ha ryngkat ka jingdonlang kiwei kiba la shah khot sngewbha.
U kongsan u la sam ia ka song pisa bad ka trophy sha ka Lahduh ka Candy Clip. Ha kane ka lympung iakhun ki la don baroh 44 tylli ki kynhun ba la ia shim bynta.
