Jowai, Jymmang 13: Ki khynnah skul jong ka Chankylliang Evergreen LP School, Mooshrot, West Jaiñtia Hills District mynta ka sngi ha ryngkat u Headmaster ma Sanladky Lyngdoh lem bad ki nonghikai, ki la pynlong ïa ka jingïaid rally ban pyrshah jur ïa ka jingdih duma.
Na ka liang ki khynnah skul ki la rah lang ïa ki placard bad ka jingpyrta ïa ki jingma bad ki jingsniew kiba mih na ka jingdih bad bam ïa u duma.
Hadien kane ka skul ka la pynlong ruh ïa ka jingïasoi (signature campaign) bad ka jingïalang ban ban pynsngewthuh ïa ki paidbah nongshong shnong jong katei ka thaiñ ba kin ïaid katba lah na ka jingpyndonkam ïa u duma, uba wanrah shibun ki jingpang jingshitom.
