Shillong, Naitung 25: Ka Seng VPP ka la ai da ka jingthoh sha u Speaker ka Meghalaya Legislative Assembly, u Thomas A Sangma ban pynpaw ka jingpyrshah ïa ka jingpynlong ïa ka jingïalang ki Speaker ne ki Lamphang ïingdorbar ha ka Sngi U Blei.
Ka shithi na ka VPP ka ong ba ka Annual Conference ba 20 jong ki Preisiding Officer Association kan long ha Shillong naduh ka 28 tarik mynta u bnai haduh ka 1 tarik u bnai ban wan ha Shillong, kaba mut ka kynthup ruh ïa ka Sngi U Blei.
Ka Seng ka ong ba ka jingkynthup lang ïa ka sngi U Blei ha ka jingïalang ka long ka bym lah long, namar ka ktah ïa ka jingsngew kiba bun,namar ba ka Meghalaya kadei ka jylla kaba bun kidei ki Khristan.
Kumta na ka liang ka Seng ka kyntu ïa u Speaker ba un peit ban pynkylla noh ïa ki tarik, khnang ba kan nym ngat lang ka Sngi U Blei.
