Mawkyrwat, Jymmang 15: U Superintendent of Police ka South West Khasi Hills District Bah B. Jyrwa u la pyntip paidbah ba ka Central Recruitment Board jong ka tnat Meghalaya kan sa pynlong noh ïa ka jingthoh eksamin na ka bynta ki post bapher bapher katkum ka jingpynbna ha ka No: PTS/CRB/RECR/2023-24/350, ha ka 6 tarik, Lber, 2024.
Katkum kane ka jingpyntip, na ka bynta ki nongaplai kiba jied ïa ka Mawkyrwat kum ka jaka ban thoh ïa ka eksamin ïa ka UBSI kan long ha ka 18 tarik mynta u bnai ha ka por 9:00 baje mynstep haduh 12 baje mynsngi, ïa ka Signal/BN Operator ka por thoh eksamin kan long ha ka por 9 baje haduh 10:30 mynstep bad ïa ka MPRO Operator ka por thoh eksamin kan long 1:00 baje haduh 2:30 nohphai sngi ka 24 tarik mynta u bnai, ïa ka Firemen ka por thoh eksamin kan long 9 baje haduh 10:30 mynstep bad ïa ka post Driver Firemen ka por thoh eksamin kan long 1:00 baje haduh 2:30 nohphai sngi ka 31 tarik mynta u bnai bad ïa ka post Driver Constable AB Group yn pynlong ha ka 1 tarik, Jylliew, 2025 ha ka por 1:00 baje haduh 2:00 baje nohphai sngi kine ki dei kiba hap ha ka Maharam Government Higher Secondary School, Mawkyrwat Examination Centre
Katba kiba hap ha ka Sngap Syiem College, Mawkyrwat Examination Centre ki long ka Un-Armed Branch Constables kin thoh ha ka por 9 baje mynstep haduh 10:30 mynstep bad kumjuh ïa ka Firemen Mechanic / Mechanic ha ka por 1 baje haduh 2:30 nohphai sngi ka 25 tarik, Jymmang, 2025,
Nangta, ka AB Constable / BN Constable / MPRO GD / Constable Handyman kane dei ha ka 1 tarik, Jylliew, 2025 ha ka por 9 baje haduh 10 baje mynstep bad kine ka hap lang ha Sngap Syiem College, Mawkyrwat bad Maharam Government Higher Secondary School, Mawkyrwat Examination Centre.
U SP u la bthah ruh ba ki nongaplai kiba dei hok ban thoh eksam ba ki dei ban bud ryntih ïa ki jingbthah da kaba kin download ia ki admit card bad bun ryntih ïa ki jingbthah kiba la thoh, ka kyrteng jong ki Kamra / Hall bad ïa ki Roll No yn saw ah ha manla ki jaka thoh eksam.
U la ong ba la pyrkhing ban rah Mobilephone, Smart Watch, Bluetooth Device, Earphone bad kiwei kiwei hapoh kamra thoh eksam hynrei lait noh ki tiar ban pyndonkam ha kaba thoh eksam kumba la bthah ha ka admit card.
“Ka Department ne ka ophis kan ym shim jingkitkhlieh lada jia ba ki nongwan thoh eksam ki jah ne duh ia ki tiar kiba la khang ban wanrah ha ka jaka thoh eksam,” u la bynrap.
