Jowai, Nohprah 23: Ka National People’s Party (NPP) Amlarem Block ha kane ka 17 tarik u Nohprah 2024 ka la ïoh ban pynthymmai ïa ki nongkitkam ha ka General Meeting kaba la long ha Krangpamtadong L.P School, Amlarem ha kaba baroh ki nongkitkam ka party ki la poi haduh 500 ngut.
Ïa ka jingïalang la pynïaid da u Bah Stephanson Mukhim (Hon.Ex. MLA) adhoc President jong ka party uba la pynpaw ïa ka jingsngewnguh ïa u Blei kynrad bad u la ai khublei ruh ïa baroh kiba la lah ban poi sha ka jingïalang kiba kynthup ïa ki riew rangbah, ki Longkmie bad ki samla kiba dei ki nongkitkam ka party hapoh ka Amlarem Constituency.
La ïoh ban pynsngew ïa ki Agenda bad la ïa shim bynta ruh da baroh ban ïa ai jingmut.
Ka jingïalang da kawei ka sur ka la pynskhem ïa bah Stephanson Mukhim ban long kum u President ba thymmai ka party hapoh Amlarem Constituency bad ïa ka kam General Secretary la pynkhamti ha u Bah Reachingson Kongwang.
Kine ki dkhot ba thymmai ka party kiba la shah jied ki long 1. President: Bah Stephanson Mukhim, 2. Working President: Bah Holano Lamin, 3. Bah Het Pohthmi, 4. Vice President : Bah Wonly Chyrmang, 5. Bah HeimonShylla, 6. Gen. Secretary : Bah Reachingson Kongwang, 7. Asst. Secretary : Bah Sikil Chyrmang, 8. Bah Ailad Surong, 9. Treasurer : Bah Jesper Tongper, 10. Office Secretary : Bah Twin Nyallang, 11. Org. Secretary : Bah Prolin Langshiang, 12. Publicity Secretary : Bah Platini Mukhim, 13. Advisers : Bah R.L Tariang, 14. Bah Gilroy Tariang, Executive Members : Baroh ki Presidents bad Secretaries na baroh ki Circles.
Na ka bynta ka NPYF (Youth Wing) ne ka National People’s Youth Front la shaniah ha u Bah Wanri Tariang bad Bah Jinesh Lamin Gashnga ban pynbeit ïaka jingïalang pynthymmai Nongkitkam. Katba ïa ka WOMEN’S WING La shaniah ha ka Kong Mandarita Pohplet bad Kong Ferina Mynthong ban pynbeit ïa ka jingïalang pynthymmai Nongkitkam.
Ka Party kala ïoh ban pynkha thymmai ïa ka tnat trei kam, ka Farmer’s Wing, bad la jied ïa u bah Lah Pohktai kum u President bad bah Omin Pohlong kum u Secretary.
Hadien ka jingpynskhem ïa ki nongkitkam bathymmai ka party, la ïoh ban ïakren sani bha na ka bynta ka election MDC, da kaba la ïa ai jingmut ban pynkhlaiñ shuh shuh ïa ka party.
La ïoh ruh ïa ka jingpynithuh ïa u candidate bathymmai na War East, u Bah Wonly Chyrmang bad ha ka jingai jingkren ula pynpaw ka jingsngewnguh ïa u Blei kynrad ba na jrong uba la btin lynti ha ka jingïaid lynti ka jingim jong u, bad ruh ula ai khublei ïa ka party kaba la ibit ïa u ban long u candidate ha ryngkat ka jingkyrpad rit da ka burom ïa ki paidbah na War East ban kyrshan ïa u ha kane ka election MDC.
La ïoh ruh ban leh burom kyrkhu kyrdoh bad kitbok kitrwiang ïa baroh 3 ngut ki MDC’s candidate ka party, kata u bah Het Pohthmi – na War West, Bah Holando Lamin – na War Central, Bah Wonly Chyrman – na War East, da kaba pyndeng da ki Muffler ka party bad ki kyntien kyrkhu na u Bah Stephanson Mukhim, President ka party.
La ïoh ruh ka jingai jingmut ha kiba bun rukom, na ki riewrangbah ka party bad na ki samla ruh kumjuh.
Kyntang ïawai, la pynkut ïa ka jingïalang da ki kyntien ai mynsiem na u President ka party.
