Shillong, Nohprah 23: Hadien ka jingïoh jingtip kaba thikna na ka liang jong ki shipai BSF jong ka kynhun 04 Bn, BSF Meghalaya Frontier, ki la ïoh bat ïa 13 ngut ki nong Bangladeshi kiba don kti ha ki kam khaïi beaiñ.
Halor kane na ka liang ki shipai BSF ki la ïoh ruh ban kurup haduh 35 byrni ka shini bad kiwei kiwei pat ki tiar kiba kynthup ïa ka kiad, u sla sha copper wire, local cigarettes, skin cream, blankets, garlic, bad kiwei pat ki tiar marbam.
Baroh ka pisa ba la ïoh ban kurup ka la poi sha ka T.10.50 lak. Ïa kitei ki briew ba la ïoh bat la aiti noh sha Dawki Police Station, West Jaiñtia Hills District, na ka bynta ban leh ïa ki kam katkum ka aiñ bad kumjuh ruh la phah khmih bniah ha PHC Dawki ïa ki.
La ong ba kane ka jingkhmih bniah la pynlong ha kiba bun ki jaka hapoh ka East Khasi Hills, East Jaiñtia Hills, bad South Garo Hills districts.
Halor kane na ka liang ki shipai ki la long kiba peitngor bha na ka bynta ban ïada ïa u pud u sam jong ka ri India khnang ba kan lait na ki shalan beaiñ ha ki bynta jong ka khappud bad kiwei kiwei ki jingjia.
