Shillong, Nailar 25: U Chief Executive Member (CEM) ka Khasi Hills Autonomous District Council (KHADC) u Bah Pynïaid Sing Syiem u la rai rangbah ban ïakhun noh ïa ka MDC ilekshon na Nongthymmai constituency.
Halor kane haba kren bad u nongthoh khubor na ka liang u Bah Pynïaid Sing Syiem u la pynthikna ia kane ka jingthmu jong u kaba la pynshai paidbah ruh halor ki jingsngew artatien jong ki nongkyrshan bad kumjuh ruh ki paidbah jong ka Nongthymmai Constituency.
Lah ban ong ba u Bah Pynïaid Sing Syiem u dei u MDC ka National People’s Party (NPP) na Mawryngkneng constituency bad u lah ban mih bujli noh na ka jaka u MDC ka Nongthymmai u Bah Latiplang Kharkongor uba haduh mynta um don satia ïa ka met kaba koit kaba khiah.
Katkum ki tyllong khubor ba la ïohlum la ïathuh ba u Bah Latiplang Kharkongor u lah ban ym ïakhun shuh ha ka election MDC mynta ka kynti bad u lah ban ai ka jingkyrshan ïa u Bah Pynïaid ha kaba ïadei bad ka election MDC ka ban sa wan ha u snem ban wan.
