Shillong, Naitung 21: Ka prokram ba shisngi ban pynsngewthuh paidbah haba ïadei bad ki aiñ ne ka one-day Legal Awareness Programme halor ka NALSA kaba dei ruh halor ka jingai jingshakri da ka aiñ ïa ki lanot kiba pyndonkam bakla ïa u drok bad ka jingthmu ban ratdyngkhong ïa ka jingsniew kaba mih na u drok (Legal Services to the victims of drug abuse and the eradication of the drug Menace) Scheme, 2015 bad ka NALSA (Child-Friendly Legal Services to Children and their Protection Scheme) 2015 bad halor ka Protection of Children from Sexual Offences Act, 2012″ la pynlong da ka District Legal Services Authority, East Khasi Hills District, Shillong ha ryngkat ka jingïatreilang bad ka Meghalaya State Legal Services Authority, Shillong kaba dei ruh hapoh ka shatri jong ka National Legal Services Authority.
Ïa kane ka prokram la pynlong hynne ka sngi ha shnong Laitryngew kaba dang hab hapoh ka Sohra Civil Sub Division.
Ïa kane ka prokram la shimbynta da ka kong B. Kharlukhi, Secretary, DLSA, Shillong, u Bah Pynhun Syiem, SDPO, Sohra, u Bah Anthony B. Khongsit, O/c, Sohra, Police Station, Sohra nalor kiwei pat.
Ha kane ka prokram la pynlong ruh ïa ka rally ha kaba la shim bynta da ki samla pule bad ki don ruh ki jingkren na ki nongkren ba la shah khot sngewbha halor ki mat: Free Legal Aid & Services, NALSA 15100 Helpline, Drug Abuse, Law & Punishment, POCSO Act, 2012 Offences bad Punishment.
