Nongpoh, Jymmang 21: Ka Khasi Students’ Union, North Khasi Hills District Unit ha ka 20 tarik u bnai Jymmang 2022, ka la ioh ban pynthymmai bad ban pynskhem ïa ki nongkitkam bathymmai ka KSU Umiam unit hadien ba ka samoi treikam jong ki kala kut noh.
Ha kane ka jingpynskhem ïaki nongkitkam ba pura ka KSU Umiam Unit la ïa don ryngkat naduh u Samla Biangbor L Paliar Vice President ka KSU sengkmie, Samla Iashanborlang Mukhim Assistant Organising Secretary ka KSU Sengkmie,bad ki Nongialam na ka KSU NKHD bad kiwei.
Haba ioh jingkren na u Samla Lambok Joseph Rymbai Vice President ka KSU NKHD Unit u la pynkynmaw ba ha u snem 2017 haduh 32 ngut ki dkhot jong ka KSU ki la shah kem bad shah set along naka daw jong ka mat Railway bad u la ong ruh kum ka seng kam pdiang ia jingwan jong ka Railway haduh mynta mynne khlem da biang ki aiñ kiba khlaiñ ban ïada ïa ka jingrung kyrthlep ki briew kiba na bar bad u la ai mynsiem ruh ïa ki dkhot jong ka KSU Umiam Unit ba kin dang trei shitom khlem da kynran dien ban rat diengkhong ïa ki kam sniew khamtam ban ïada ïa ka jingwanrung kyrthlep jong ki bar jylla hapoh shnong.
Haba pynskhem ïa ki dkhot u Samla Biangbor L Paliar u la pynkynmaw ba ka jaidbynriew Khasi ka donkam ïa ka aiñ ba khlaiñ bad u la pynkynmaw ba kham bun ki nongtrei jong ka Railway ban ki paid khasi ha ka ri jong ngi bad u la ong ruh ba watla kane ka shnong ba bun ki tnat bapher bapher jong ka sorkar jylla hynrei kum ka seng kam dei ban ailad ïa ki briew ba nabar ban wan shongduh hangne hynrei ki nongtrei barjylla ki dei ban leit phai noh tang katto kattne por ryngkat ka jingai mynsiem ruh ïa ki dkhot ba thymmai jong ka KSU Umiam Unit ba ki dei ba ban long ki samla kiba ba ïaineh bd kiba ba shlur khang ban lah ban shakri hok ïa ka ri bad ka jaitbynriew.
